مەسرور بارزانی: پابەندین بە پاراستنی ئازادیی بیروڕا

ئەمڕۆ چوارشەممە، ٢٦ی تشرینی دووەمی 2025، مەسرور بارزانی، سەرۆکی حکوومەتی هەرێمی کوردستان، پێشوازی لە نووسەر و هۆزانڤانی کورد “جان دۆست” کرد.
لە دیدارەکەدا گفتوگۆ لەبارەی دۆخ و بزاڤی ڕۆشنبیری لە کوردستان کرا و تیشک خرایە سەر ڕۆڵی گرنگی ڕۆشنبیران لە پەرەپێدان و پاراستنی زمان، ئەدەب و کولتووری کوردی.

سەرۆکی حکوومەت وێڕای دەستخۆشیکردن لە کار و بەرهەمە ئەدەبییەکانی جان دۆست، پابەندبوونی حکوومەتی هەرێمی کوردستانی دووپات کردەوە بۆ:

• برەودانی زیاتر بە بوارەکانی ڕۆشنبیری و هونەری.
• پشتیوانیکردنی ڕۆشنبیران.
• پاراستنی ئازادیی بیروڕا و ڕەخساندنی زەمینە بۆ کار و چالاکیی ڕۆشنبیری.