لیستی مووچەی مانگی پێنج ڕادەستی وەزارەتی دارایی حكوومەتی فیدراڵ كرا
وەزارەتی دارایی و ئابووری حكوومەتی هەرێمی كوردستان بڵاوی كردەوە، لیستی مووچەی مانگی ئایار ڕادەستی وەزارەتی دارایی حكوومەتی فیدراڵ كرا.
ئەمڕۆ یەككشەم 25ـی ئایار، لە راگەیەنراوێكی وەزارەتی دارایی و ئابووریدا هاتووە، سەرلەبەیانیی ڕۆژی یەكشەم لیستی مووچەی مانگی ئایاری فەرمانبەران و مووچەخۆرانی هەرێمی كوردستان، لەلایەن تیمی تەكنیكیی وەزارەتی دارایی و ئابووری هەرێمی كوردستانەوە، ڕادەستی فەرمانگەی ژمێریاری وەزارەتی دارایی حكوومەتی فیدراڵ كرا.