ئاگرەکەى بازاڕى دارەسووتاوەکەى سلێمانى کۆنترۆڵ کرا

بەرەبەیانی ئەمڕۆ ئاگر لە بازاڕی دارەسووتاوەکە کەوتەوە و بەپێی زانیارییەکانی بەرگریی شارستانی، ڕووداوەکە هیچ زیانێکی گیانی لێ نەکەوتووەتەوە.
ئارام عەلی، گوتەبێژی بەرگریی شارستانیی سلێمانی ڕاگەیاند: ئاگرەکە لە بەرەبەیانەوە کەوتبووەوە، ئێستا کۆنترۆڵ کراوە و لێکۆڵینەوەی زیاتر لە هۆی کەوتنەوەی دەکرێت، زیانەکانیشی دەخەمڵێنرێن.
هەڤاڵ ئەبوبەکر، پارێزگاری سلێمانی، ئەمڕۆ شەممە 5ـی ئاداری 2025، لە لاپەڕەی خۆی، لە تۆڕی کۆمەڵایەتی فەیسبووک نووسیوویەتی: بەرەبەیانی ئەمڕۆ، ئاگر لە بەشێک لە بازاڕ و دوکانەکانی مەزادخانەکەی سەرەوە (دارە سووتاوەکە)، کەوتەوە. دەڵێت: بەهیممەتی دڵسۆزانەی بەڕێوەبەر و تیمەکانی بەڕێوەبەرایەتیی پۆلیسی بەرگریی شارستانیی و بە هەماهەنگیی هاووڵاتیانی دڵسۆز و تیمەکانی فریاکەوتنی خێرای تەندروستیی و ئاسایش و پۆلیس و پۆلیسی هاتوچۆ، بەبێ هیچ زیانێکی گیانیی، ئاگرەکە کۆنترۆڵ کرا.
پارێزگاری سلێمانی دەشڵێت: لایەنە پەیوەندیدارەکان لێکۆڵینەوە لە هۆی ئاگرکەوتنەوەکە دەکەن.