وتەبێژی دەستەی گەشتوگوزاری هەرێم: کەرتی گەشتوگوزار بوژانەوەی باشی بە خۆوە بینیووە

وتەبێژی دەستەی گەشتوگوزاری هەرێم ڕایدەگەیەنێت، بەهۆی گرنگیدانی زیاتری حکومەتی هەرێمی کوردستان بۆ کەرتی گەشتوگوزار و هەموو ئەو چاکسازیانەی بەدرێژای کابینەی نۆیەم کراون، لە ئێستادا ئەم کەرتە بوژانەوەی گەورەی بەخۆوە بینیووە.
ئیبراهیم عەبدولمەجید، وتەبێژی گشتی دەشتەی گەشتوگوزاری هەرێمی کوردستان ڕایگەیاند: لە دوو ڕۆژی ڕابردوی جەژنی ڕەمەزانی پیرۆز گەشتیارییەکی زۆر سەردانی شوێنە گەشتیارییەکانی هەرێمی کوردستانیان کردووە، هاتنی گەشتیار بەشێوەیەکە سەیرانگاو ناوجە گەشتیارییەکان لەسەر جەم پارێزگاو، ئیدارە سەربەخۆکان جمایان دێت لەگەشتیار، ئامادەکاری تەواو کراوە، بەشێوازێکی ڕێکخراو هاوشانی دابینکردنی پێداویستەکانی مانەوەی گەشتیار لەو جێگایانەی سەردانی دەکەن پێشوازییان لێدەکرێت.
گوتیشی: زۆربەی ئەوانەی هاتوون بۆ سەردان و بەسەر بردنی کاتێکی خۆش، زیاتر هاوڵاتیانی ناوەڕاست و باشوری عێراقن.
دەشڵێت: بەبەردەوامی لە گەڵ کۆمپانیاکانی گەشتوگوزار لە پەیوەندی بەردەوامدان بۆ وەرگرتن و زانینی ئاماری هاتنی گەشتیاران.
ڕاشیگەیاند: بەهۆی گرنگیدانی زیاتری کابینەی نۆیەم بەکەرتی گەشتوگوزار، هاوڵاتی گەشتیاران ڕۆژبەڕۆژ و بەشێوەیەکی هەستپێکراو هاوڵاتیان هەموو ئەو پێشکەوتنانە دەبینین لەم کەرتە ڕویانداوە،هەوڵەکانیش لەوڕوەوە بەردەوامدەبن