سەرۆکی حکومەت لەگەڵ وەزیری دەوڵەت بۆ کاروباری وزەی قەتەڕی کۆبووەوە

سەرۆک وەزیرانی هەرێمی کوردستان و وەزیری دەوڵەتی قەتەر بۆ کاروباری وزە، جەخت لە بەهێزکردنی پەیوەندییە دووقۆڵییەکان لە بواری وزەدا دەکەنەوە.

ئەمڕۆ سێشەممە، 25-03-2025، مەسرور بارزانی، سەرۆکی حکوومەتی هەرێمی کوردستان، لە چوارچێوەی سەردانەکەیدا بۆ قەتەر، لە دەوحە لەگەڵ سەعد بن شریدە ئەلکەعبی، وەزیری دەوڵەت بۆ کاروباری وزەی قەتەری کۆبووەوە.

بە گوێرەی ڕاگەیەنراوی حکوومەتی هەرێمی کوردستان “لە کۆبوونەوەکەدا گفتوگۆ لەبارەی بەهێزکردن و برەودان بە پەیوەندییەکانی هەرێمی کوردستان و قەتەر لە بواری وزە کرا.”

دوێنێ دووشەممە، 24-03-2025، سەرۆکی حكوومەتی هەرێمی کوردستان، بە سەردان و بانهگێشتێکی فەرمی گەیشتە دەوحەی پایتەختی قەتەر و لەگەڵ شێخ محەممەد بن عەبدولڕەحمان ئال سانی، سەرۆک وەزیران و وەزیری دەرەوەی دەوڵەتی قەتەر کۆبووەوە.

هەمان ڕۆژ سەرۆک وەزیرانی هەرێمی کوردستان لەگەڵ شێخ بەندەر بن محەمەدئال سانی، سەرۆکی دەزگای وەبەرهێنانی قەتەڕی کۆبووەوە.