ئەرکان بیبانی: 11 بازرگانی ماددەی هۆشبەر دەستگیر کران
گوتەبێژی بەڕێوبەرایەتیی گشتیی نە‌هێشتنی ماددەی هۆشبەرەکان ڕایگەیاند، لە چەند ئۆپاراسیۆنێکدا زیاتر لە 26 کیلۆ و 208 گرام ماددە هۆشبەر دەستی بەسەردا گیراوە و 11 بازرگانیش دەستگیر کران.
ئەرکان بیبانی، گوتەبێژی بەڕێوبەرایەتیی گشتیی نە‌هێشتنی ماددەی هۆشبەرەکان لە کۆنگرەیەکی ڕۆژنامەوانی ڕایگەیاند “لە ژمارەیەک چالاکی لە دوو هەفتەی ڕابردوودا، بە هاوکاری و هەماهەنگیی بەڕێوبەرایەتیی ئاسایشی سۆران و چۆمان و پیرمام و چاودیری بەدواداچوون، توانرا دەست بەسەر زیاتر لە زیاتر لە 26 کیلۆ و 208 گرام ماددە هۆشبەر بگیرێت کە پێک هاتبوون لە جۆرەکانی کریستاڵ و حەشیش و هێرۆین.
هەروەها لە هەڵمەتەکەدا توانرا ژمارەیک تۆڕی کڕین و فرۆشتن، هەڵبوەشێنرێنەوە کە پێک هاتبوون لە 11 بازرگان.
ئەرکان بیبانی گوتیشی: لەدادگا بەپێی یاسای مامەڵەکردن بە ماددەی هۆشبەر دۆسی تاوانیان بۆ کراوەتەوە.
هەروەها هۆشداریشی دا هاووڵاتییان لە بەکارهێنان و مامەڵەکردنی ماددە هۆشبەرەکان دوور بکەونەوە و هەر زانیارییەکیشیان لەو بارەیەوە دەست کەوت بنکە و بەڕێوبەرایەتییەکانی ئاسایش ئاگادار بکەنەوە.