بەهۆی دوو رووداوی هاتوچۆوە کەسێک گیانیلەدەستدا
بەڕێوەبەرایەتیی هاتوچۆی چەمچەماڵ بڵاویکردەوە، لە ماوەی 24 کاتژمێری رابردوودا بەهۆی دوو رووداوی هاتوچۆوە کەسێک گیانیلەدەستداوە و حەوت کەسی دیکەش برینداربوون.
بەڕێوەبەرایەتیی هاتوچۆی چەمچەماڵ ئاشکرایکردووە، رووداوی یەکەم وەرگەرانی ئۆتۆمبێلێک بووە لە جۆری تۆیۆتا لاندکروزەر، لەسەر رێگای ناحیەی ئاغجەلەر _ گۆپتەپە کە بەهۆیەوە کەسێک گیانیلەدەستداوە کەسێکیش بریندارە.
باسیلەوەشکرد، بەهەمان شێوە رووداوی دووەمیش وەرگەڕانی ئۆتۆمبێلێک بووە لە جۆری تۆیۆتا لاندکروزەر لە نزیک مۆنۆمێنتی ئەنفال و بەهۆیەوە شەش کەس برینداربوون.