بەڕێوەبەری سایلۆکانی سلێمانی: چەکی پارەی گەنمی جوتیاران گەیشت

چەکی پارەی گەنمی جوتیاران گەیشتە سلێمانی و دەست بە دابەشکردنی کرا.

نەسرین ئەحمەد، بەڕێوەبەری سایلۆکانی سلێمانی راگەیاند، دوای ئەوەی دوێنێ بڕی 20 ملیار دیناری پارەی گەنمی جوتیاران خرایە سەر هەژماری بانکی بابان، ئەمڕۆ چەکی پارەی گەنمی جوتیاران گەیشتە سلێمانی.

وتیشی، ئێستا پرۆسەی دابەشکردنی چەکەکان بەسەر سایلۆکاندا دەستیپێکردووە و سەرجەمیان دابەشکراون.

نەسرین ئەحمەد باسی لەوەش کرد، لە سنووری سلێمانی 175 چەکی پارەی گەنمی جوتیاران گەیشتوون و دابەشکراون.