سێ رۆژی دیكه‌ لێخۆشبوونی سزاو قه‌رزه‌كانی هاتوچۆ كۆتايی دێت

ئەمڕۆ یەکشەممە 25ی شوباتی 2024، فەرمانگەی میدیا و زانیاری حکومەتی هەرێمی كوردستان راگەیاند، بڕیارى لێخۆشبوونی 20%ـى قەرز و پێبژاردنی سزاکانی هاتوچۆی هاووڵاتییان، تا رۆژی چوارشەممە 28ی شوباتی 2024، بەردەوام دەبێت.

بڕیاری لێخۆشبوون، لە رۆژی 28ى ئابی 2023 بەرکار بووە و دواتریش تا 28ى شوباتى 2024، درێژ کرایەوە، ئەمەش وەک هاوکارییەکی هاووڵاتییان و هاندانیان بۆ پاکتاوکردنی قەرز و پێبژاردنەکانیان.

بە پێی زانیارییەکانی رێکخراوى تەندروستیی جیهانی، رووداوەکانى هاتوچۆ هەشتەم هۆکارى مردنن، ساڵانە 1.3 ملیۆن کەس بە رووداوەکانی هاتوچۆ گیان لەدەست دەدەن و 50 ملیۆن کەسی دیکەش بریندار و کەمئەندام دەبن.

فەرمانگەی میدیا و زانیاری راشیگەیاندووه‌، رێوشوێنی تۆمارکردنی سەرپێچی و سزادان و پێبژاردنی دارایی سەرپێچیکارانی هاتوچۆ، یەکێکە لە رێگەکانی کەمکردنەوەى رووداوەکانی هاتوچۆ و پاراستنی گیان و سامانی هاووڵاتییان لەلایەن حکومەتی هەرێمی کوردستانەوە.