ڕێكخراوی كوردستان دیالۆك بۆ ساڵیادی دامەزراندنی كۆماری كوردستان لە شاری سلێمانی بڕیاری داوە لە چالاكیەكدا ئەو یادە بەرز ڕاگرێت
چالاكیەكەی ڕێكخراوی كوردستان دیالۆك لە هۆڵی سینەما سالم ڕۆژی دووشەممە ۲٠۲٤/۱/۲۲
کاتژمێر: ۳ی پاشنیوەڕۆ بەڕێوە دەچێت كەبریتیە لە چەند بڕگەیەك
- ناساندنی ناوەندی توێژینەوەی کوردستان دیالۆگ
- کۆڕبەندی نیشتمانیی کوردستان دیالۆگ بۆ ناسیۆنالیزمی
کوردی
3- پیشاندانی فیلمی بەڵگەنامەیی (لەدایکبوونی خەونی نەتەوەیەک) لە بارەی کۆماری کودستانەوە
4- پێشکەشکردنی پانێڵی (ناسیۆنالیزم و ناسیۆنالیزمی کوردی)
(عەتا قەرەداخی (کۆمارو سەرەتای ناسیۆنالیزم)
5- د. هەردی مەهدی میکە (کۆماری کوردستان و پێشەوا قازی محەمەد؛ ڕامان و وەبەرهێنانەوەی مێژویی)
6- داشکاندنی تایبەت بۆ کتێبە چاپکراوەکانی (کوردستان دیالۆگ)
سەربەست مەنمی سەرۆكی ڕێكخراوی كوردستان دیالۆك بە كەناڵی ڕادیۆ و تەلەفزیۆنی سلێمانی ڕاگەیاند:” لە ڕێكخراوی كوردستان دیالۆك وەك ڕێكخراوێكی كلتوری ڕۆشنبیری لەماوەی چوارساڵی ڕابردودا زۆرترین ئەو چالاكیانەی ئەنجاممان داوە ڕاهەندی نەتەوەی و نیشتیمانیان هەیە و هەوڵمانداوە پرسی ناسیۆنالیزم بكەینە سەرباسی چالاكیەكانمان .
وتیشی:” ساڵی 2020 ساڵیادی كۆمارمان بەرزڕاگرت و لە ساڵی 2023 شڕۆی ئاڵای كوردستان بەرزڕاگرتووە دەشڵێت بەشێكی زۆری ئەو كتێبانەی كەچاپمان كردووە پەیوەندیان بەپرسی كوردبون و ناسیۆنالیزمی كوردیەوە هەیە .
سەرۆكی ڕێكخراوی كوردستان دیالۆك دەڵێت :” لەو چوارچێوەیەدا ڕۆژی 22-1-2024 حەفتاو هەشتەمین ساڵیادی كۆماری كوردستان بەرزڕادەگرین .