شاخەوان عەبدوڵڵا داوی هەڵپەساردنی كارەكانی لیژنەی دارایی دەكات

شاخەوان عەبدوڵڵا داوی هەڵپەساردنی كارەكانی لیژنەی دارایی دەكات

جێگری سەرۆکی پەرلەمانی عێراق بە نووسراوێک داوای لە لیژنەی دارایی پەرلەمانی عێراق کردووە هەمواری ئەندامانی لیژنەکە بکەنەوە کە پێچەوانەی پەیڕەوی ناوخۆیی پەرلەمانی عێراقە و تا پێداچوونەوەش بە ئەندامانی لیژنەکە، داوای هەڵپەساردنی کارەکانی لیژنەکە دەکات.

شاخەوان عەبدوڵڵا، جێگری سەرۆکی پەرلەمانی عێراق بە ژمارە (419) نووسراوێکی ئاراستەی لیژنەی دارایی پەرلەمانی عێراق کردووە و تێیدا ئاماژەی بەوەکردووە، بەگوێرەی ماددەی 73 لە پەیڕەوی ناوخۆیی پەرلەمانی عێراق کە ژمارەی ئەندامانی لیژنەکانی دیاریکردووە کە نابێت لە 21 ئەندام زیاتر بێت و دەسەڵاتی بە سەرۆکایەتی پەرلەمانداوە کە هەمواری ژمارەی ئەندامانی لیژنەکان بکات بەمەرجێک لە دوو ئەندام زیاتر نەبێت، کەچی لە کۆبوونەوەکاندا دەرکەتووە لیژنەی دارایی پەرلەمانی عێراق لە 24 ئەندام پێکهاتووە.

شاخەوان عەبدوڵڵا روونیکردووەتەوە، کە ئەمە پێشێلکردنی پەیڕەوی ناوخۆی پەرلەمانی عێراقە کە ئەمەش کاریگەری لەسەر پرۆسەی دەنگدان لە لیژنەکە دەکات.

هەر لە نووسراوەکەدا، شاخەوان عەبدوڵڵا کارەکانی لیژنەی دارایی هەڵپەساردووە و تا پێداچوونەوە بە پەیکەری پێکهێنانی لیژنەکە دەکەن و ژمارەی ئەندامانی لیژنەکە رێکدەخەنەوە بۆ 23 ئەندام لەبری 24 ئەندام و سڕینەوەی ناوی ئەندامێکی لیژنەکە کە بەپێی پەیڕەوی ناوخۆی پەرلەمان زیادە. هەروەها جێگری سەرۆکی پەرلەمانی عێراق ماوەی 24 کاتژمێری داناوە بۆ لیژنەکە کە کار کەسەر ناوەڕۆکی ئەو نووسراوە بکات و دەرئەنجامەکەشی بۆیان بگەڕێننەوە.