200 ملیار دیناری دیکە خرایە سەر هەژماری وەزارەتی دارایی

حکومەتی عێراق 200 ملیار دیناری دیکەی مووچەی فەرمانبەرانی خستە سەر هەژماری وەزارەتی دارایی و ئابووری حکومەتی هەرێمی کوردستان.

فارس عیسا، سەرۆکی نوێنەرایەتی حکومەتی هەرێمی کوردستان لە بەغدا رایگەیاند، بڕی 200 ملیار دینار لەلایەن بانکی رەشیدەوە خرایە سەر هەژماری وەزارەتی دارایی و ئابووری، لە بانکی ناوەندی لقی هەولێر، وەک بەشی دووەمی مووچەی فەرمانبەرانی کوردستان.