لە کۆیە تەقە کرا و کوژراو و بریندار هەیە

لەبەردەم بنکەی پۆلیسی ئازادی لە کۆیە تەقە کراو و بەگوێرەی زانیارییەکان، رووداوەکە کوژراو و برینداری لێکەوتووەتەوە.

شیروان جەلال، جێگری بەڕێوەبەری گشتیی تەندروستی کۆیە سەبارەت بەو رووداوەكە رایگەیاند، بەهۆی تەقەکانەوە کەسێک گیانی لەدەستداوە و سێی دیکەش بریندارن.

جێگری بەڕێوەبەری گشتیی تەندروستی کۆیە گوتیشی: دوای رووداوی تەقەکردنەکە، یەک کوژراو و سێ بریندار رەوانەی نەخۆشخانە کراون کە هەموویان شوێنی فیشەکیان پێوەیە و، ئێستا بریندارەکان دۆخی تەندروستیان جێگیرە.