شایستە داراییەكانی جووتیارانی سنووری قەزای مەخمور گواسترایەوە بۆ بانكی قەزاكە
بەهەوڵی ئیدارەی حكومەتی هەرێمی كوردستان، شایستە داراییەكانی جووتیارانی سنووری قەزای مەخمور گواسترایەوە بۆ بانكی قەزاكە.
لەوبارەیەوە حاجی فازڵ،جێگری بەڕێوەبەری سایلۆی مەخمور تایبەت بە كوردستان تیڤی راگەیاند: لەدوای رووداوەكانی 16ی ئۆكتۆبەر سەرجەم شایستە داراییەكانی جووتیارانی سنووری قەزای مەخمورو دیبەگە گەڕاندرایەوە سەر بانكەكانی سنووری پارێزگای نەینەوا و ئەمەش گرفتی بۆ جووتیارانی ناوچەكە دروست كردبوو.
هەروەها گوتی: جێگای دەست خۆشییە كە بەهەوڵەكان و پشتیوانی قائمقامییەتی قەزای مەخمورو بەڕێوەبەرایەتی سایلۆی مەخمورو بانكی مەخمور، توانرا سەرجەم شایستە داراییەكانی جووتیاران لە بانكی قەزای باشیك بگەڕێندرێتەوە بۆ بانكی مەخمور.
گوتیشی:لەمەودوا جووتیارانی ناوچەكە دەتوانن لە بانكی مەخمور شایستە داراییەكانیان وەربگرن
