كه‌شناسی هه‌رێم واده‌ی خۆڵبارینی راگه‌یاند
به‌ڕێوه‌به‌رایه‌تی كه‌شناسی هه‌رێم رایگه‌یاند كه سبه‌ینێ ئاسمان هەوری تەواو دەبێت لەگەڵ ئەگەری نمە بارانێکی کەم بە تایبەتی لە ناوچە شاخاويیەکان، لە دوای نیوەڕۆوه ئەگەری بەرزبوونەوەی تۆز و خۆڵ هەیە.
به‌ڕێوه‌به‌رایه‌تی كه‌شناسی هه‌رێم له راگه‌یه‌ندراوێكدا ئاماژه‌ی به‌وه‌دا كه “ئه‌مڕۆ شه‌ممه 6ی ئایار ئاسمان ساماڵ دەبێت لەگەڵ هەندێ پەڵە هەوری جیا جیا”.
كه‌شناسی ده‌ڵێت: “پله‌كانی گه‌رما به‌رزده‌بێته‌وه به (1-3) پله به به‌راورد به تۆماركراوه‌كانی دوێنێ. خێرایی با 5 – 20 كیلۆمه‌تر ده‌بێت له كاتژمێرێكدا و ئاراسته‌ی با باكووری خۆرئاوا و مه‌ودای بینین 9 – 10 كیلۆمه‌تر ده‌بێت”.
ئاماژه‌شی به‌وه‌دا كه “سبه‌ینێ یه‌كشه‌ممه 7- 5- 2023 ئاسمان هەوری تەواو دەبێت لەگەڵ ئەگەری نمە بارانێکی کەم بە تایبەتی لە ناوچە شاخاویەکان، لە دوای نیوەرۆ بە هۆی چالاكبوونی خێرایی باوە لە هەندێ ناوچەدا ئەگەری بەرزبوونەوەی تۆز و خۆڵ هەیە”.
روونیشیكرده‌وه كه “پله‌كانی گه‌رما نزیک دەبێت لە تۆمارکراوی رۆژی پێشوو. خێرایی با 10 – 20 كیلۆمه‌تر ده‌بێت له كاتژمێرێكدا و هەندێکجار چاڵاک دەبێت بۆ سەرووی 25 كیلۆمه‌تر و ئاراسته‌ی با باكووری خۆرئاوا و مه‌ودای بینین 5 – 7 كیلۆمه‌تر ده‌بێت”.