بوومەلەرزەیەک لە خانەقین روویدا

بوومەلەرزەیەک لە سنووری قەزای خانەقین روویدا گوڕەکەی 4.3 پلەی رێختەر بووە و بەهۆیەوە دڵەڕاوکێ لەناو خەڵی شارەکەدا دروستبووە.

بوومەلەرزەکە کاژێر 08:19ـی ئەمڕۆ ، 26ـی نیسانی 2023 روویداوە. محەممەد کەمال، شارەزای کەشناسی رایگەیاند گوڕی بوومەلەرزەکە 4.3 پلەی رێختەر بووە و لە قوڵایی 12 کیلۆمەتر لەناخی زەوی لە سنووری قەزای خانەقین بووە. 

چەقی بوومەلەرزەکە گوندی دارە خورما بووە بە دووری 17 کیلۆمەتر لە سەنتەری قەزاکه.