حكوومەتی هەرێمی كوردستان، پرۆژەیەكی قیرتاوكردن بە گوژمەی 700 ملیۆن دینار لە قەزای كفری سەر بە ئیدارەی گەرمیان جێبەجێ دەكات.
عەدنان خەلیل، بەڕێوەبەری ڕێگەوبانی گەرمیان، دەڵێت : ”لە سنووری قەزای كفری پرۆژەی قیرتاوكردنی ڕێگەی كفری-كارێز کە نزیكەی دوو كیلۆمەترە جێبەجێ دەكرێت.”
گوتیشی: ئەو پرۆژەیە لە چوارچێوەی پرۆژەی قیرتاوكردنی ڕێگەی كەلار-كفری دەكرێت و ئێمە وەكوو گۆڕانكارییەك خستومانەتە ئەو شوێنەش و بە 700 ملیۆن دینار ئەو پرۆژەیەی سنووری كفری جێبەجێ دەکرێت و كۆی گشتیی پرۆژەی قیرتاوكردنی ڕێگەی نێوان كەلار و كفری 44 ملیار و 500 ملیۆن دینارە.