بارەگای بارزانی: هەرێمی كوردستانی عێراق كارتۆنی نییە، بەرهەمی خوێنی هەزاران شەهید و فرمێسكی هەزاران دایكە شەهیدە

بارەگای بارزانی، راگەیەندراوێكی بڵاو كردەوە و تیایدا رای دەگەیەنێت كە هەرێمی كوردستانی عێراق كارتۆنی نییە، بەرهەمی خوێنی هەزاران شەهید و فرمێسكی هەزاران دایكە شەهیدە.
ئەمەی خوارەوە دەقی راگەیەندراوەكەیە:-

بەناوی خودای بەخشندە و میهرەبان
لەبارەی ئەو لێكدانەوە بێ بنەمایانەی هەرێمی كوردستان بە كارتۆنی ناوزەد دەكەن، بە گشت لایەك ڕادەگەیێنین كە هەرێمی كوردستانی عێراق كارتۆنی نیە، بەرهەمی خوێنی هەزاران شەهید و فرمێسكی هەزاران دایكە شەهیدە. هەرێمی كوردستان بە خوێن و فرمێسكی گەلەكەمان دروست بووە و، بەو خوێن و فرمێسكانەش دەپارێزرێت.
بارەگای بارزانی
26ی ئاداری 2023