عێراق پێشبینی دەکات ئەمساڵ 3.5 ملیۆن تۆن گەنم بەرهەمبهێنێت

وەزارەتی بازرگانی عێراق پێشبینی بۆ قەبارەی بەرهەمهێندراوی دانەوێڵە لە عێراق دەکات.

خالید ئیسماعیل، بەڕێوەبەری گشتی بەرهەمهێنانی دانەوێڵە لە وەزارەتی بازرگانی رایگەیاند، پێشبینی دەکەن قەبارەی بەرهەمهێنانی دانەوێڵە لەمساڵدا لە نێوان 3 بۆ 3.5 ملیۆن تۆن بێت، لە کاتێکدا پێداویستی راستەقینە لە ناوخۆ چوار ملیۆن و 600 هەزار تۆنە.

ئەو بەڕێوەبەرەی وەزارەتی بازرگانی ئاماژە بەوەشداوە، لایەنی هاوردەکردن لەلایەن وەزارەتی بازرگانییەوە گەرەنتی کراوە، بۆ ئەو مەبەستەش لە کەنەدا، ئوسترالیا و ئەمەریکا هاوردەرکراوە، ئێستاش چوار بۆ 5 کەشتی گەنمی هاوردەکراو گەیشتوونەتە بەندەرەکانی عێراق.

دەشڵێت: لە دوو مانگی داهاتوو چەند کەشتییەکی دیکەی گەنمیش دەگاتە بەندەرەکان، بۆیە پێویستی ناوخۆ گەرەنتی کراوە.