هه‌ولێر.. ئه‌مڕۆ پارتی له‌گه‌ڵ لایه‌نه سیاسییه‌كان و پێكهاته‌كانی هه‌رێمی كوردستان كۆ ده‌بێته‌وه
ئه‌مڕۆ له هه‌ولێر ده‌زگای هه‌ڵبژاردنی پارتی له‌گه‌ڵ ئه‌و لایه‌نه و پێكهاتانه كۆ ده‌بێته‌وه كه كورسیی په‌رله‌مانی كوردستانیان هه‌یه و گفتوگۆ له‌باره‌ی شێوازی هه‌ڵبژاردنی داهاتوو ده‌كه‌ن.
وابڕیاره ئه‌مڕۆ دووشه‌ممه 13/3/2023، كاتژمێر 2ی نیوه‌ڕۆ، پارتی له ده‌زگای هه‌ڵبژاردنه‌كه‌ی له‌گه‌ڵ لایه‌نه سیاسییه‌كان و پێكهاته‌كانی هه‌رێمی كوردستان كۆ ده‌بێته‌وه.
كۆبوونه‌وه‌كه له‌باره‌ی هه‌موواری یاسای هه‌ڵبژاردنه‌وه ده‌بێت و به‌شێكه له به‌رده‌وامی كۆ بوونه‌وه‌كانی پێشتر به تایبه‌تیش كورسی پێكهاته‌كان.
كۆبوونه‌وه‌كه تەكنیكییە و بۆ ئامادەكردنی رەشنووسی هەمواری یاسای هەڵبژاردنه‌كانه، بۆ ئەوەی كۆ ده‌نگی بۆ دروست بكرێت له په‌رله‌مانی كوردستان په‌سه‌ند بكرێت.