جێگری سه‌رۆكی پارتی پیرۆزبایی له یه‌كێتی قوتابیان و یه‌كێتی لاوانی دیموكراتی كوردستان ده‌كات
مه‌سرور بارزانی، جێگری سەرۆکی پارتی دیموكراتی كوردستان، به بۆنه‌ی ساڵیادی دامەزراندنی یەکێتیی قوتابیان و یەکێتیی لاوانی دیموکراتی کوردستانه‌وه په‌یامێكی پیرۆزبایی ئاڕاسته كردن.
مه‌سرور بارزانی، جێگری سه‌رۆكی پارتی دیموكراتی كوردستان، به بۆنه‌ی ساڵیادی دامه‌زراندنیانه‌وه، په‌یامێكی پیرۆزبایی ئاڕاسته‌ی یه‌كێتی قوتابیان و یه‌كێتی لاوانی دیموكراتی كوردستان كرد كه ئه‌مه ده‌قه‌كه‌یه‌تی:
لە یادی حەفتا ساڵەی دامەزراندنی هەردوو ڕێکخراوی یەکێتیی قوتابیانی کوردستان و یەکێتی لاوانی دیموکراتی کوردستان، پیرۆزباییەکی گەرم ئاراستەی گشت ئەندامانی هەردوو یەکێتیی قوتابیان و لاوانی کوردستان دەکەم و هیوای پێشکەوتن و نوێبوونەوە و بەردەوامییان بۆ دەخوازم .
هەردوو یەکێتیی قوتابیان و لاوان مێژوویەکی پڕ لە سەروەریان هەیە و لە قۆناخە جیاوازەکانی خەباتی گەلی کوردستاندا، هەمیشە لە سەنگەری پێشەوەی بەرگریکردن و داکۆکیکردن بوون لە پرسە نیشتمانییەکان . هەروەها مەڵبەندی پێگەیاندنی چەندین سەرکردەی لێهاتوو و بەتواناش بوون کە ئەمڕۆ زۆریان لە بوارە جۆراوجۆرەکاندا خزمەت دەکەن .
هیوادارم لە کاروانی خەباتی ڕێکخراوەیی خۆیاندا لە سەرکەوتنی بەردەوامدا بن لە پێناو پێگەیاندنی نەوەیەکی هوشیار و زانا و داهێنەر و نیشتمانپەروەر و تواناکانیان لە خزمەتکردنی گەل و وڵاتەکەیان بخەنەگەڕ.
یادی هەژدەی شوبات پیرۆز بێت و هەمیشە یەکێتیی قوتابیان و یەکێتیی لاوانی دیموکراتی کوردستان لە پێشکەوتن و نوێبوونەوەی بەردەوامدا بن .