بەلجیکا بە زەحمەت لە دانیماركی بردەوە

لە میانەی یارییەكانی جامی نەتەوەكانی ئەوروپا و لە گەڕی دوەمی قۆناغی كۆمەڵەكان  و لە ڕكابەرییەكانی گروپی سێیەم هەردو هەڵبژاردەی دانیمارك و بەلجیکا روبەروی یەكتر بونەوە و بەلجیکییەكان بە زەحمەت و بە دو گۆڵ بەرامبەر بە گۆڵێك لە دانیماركی بردەوە، لە خولەكی 2 یوسف بۆڵسن گۆڵی پێشكەوتنی بۆ دانیمارك تۆماركرد، بەڵام لە خولەكی 54 سورگان هازارد گۆڵی بەرامبەری بۆ بەلجیکا تۆماركردەوە ولە خولەكی 70 كیڤن دی بڕۆین گۆڵی دوەم و بردنەوەی بۆ هەڵبژاردەكەی تۆماركرد و یاریەیكەش بەو ئەنجامە كۆتایی هات و بەلژیكا وەك دوەم هەڵبژاردە خۆی گەیاندە قۆناغی داهاتوی پاڵەوانێتیەكە.