په‌رله‌مانی كوردستان رۆژی دووشه‌ممه‌ یه‌كه‌م كۆبونه‌وه‌ی خۆی ئه‌نجامده‌دات

خولی شه‌شه‌می په‌رله‌مانی كوردستان رۆژی دووشه‌ممه‌ یه‌كه‌م كۆبونه‌وه‌ی خۆی ئه‌نجامده‌دات و به‌ته‌مه‌نترین كاندیدی ئاماده‌بوو، سه‌رۆكایه‌تی دانیشتنه‌كه‌ ده‌كات و پاشانیش كاندیده‌ هه‌ڵبژێردراوه‌كانی دیكه‌ سوێندی یاسایی ده‌خۆن.

به‌گوێره‌ی به‌رنامه‌ی كارى یەکەمین دانیشتنی خولی شه‌شه‌می په‌رله‌مانی كوردستان كه‌ كاتژمێر 11:00ی پێشنیوه‌ڕۆ به‌ڕێوه‌ده‌چێت، به‌ته‌مه‌نترین كاندیدی سه‌ركه‌وتوو دیاریده‌كرێت بۆ سه‌رۆكایه‌تی كۆبونه‌وه‌كه‌، پاشانیش كاندیده‌ سه‌ركه‌وتووه‌كانی دیكه‌ بانگهێشت ده‌كات به‌مه‌به‌ستی سوێندخواردن.