نووسینگەکانی زانیاریی سلێمانی: پارەتەنها بەشێوەی ئەلیكترۆنی وەردەگیرێت

بەڕێوەبەرایەتیی نووسینگەکانی زانیاری لە شاری سلێمانی بڵاویکردەوە، بەپێی رێنمایی بەڕێوەبەرایەتیی گشتیی رەگەزنامەی هەرێم، لە دوای 1ی 12 پارەدان بەشێوەی کاش نامێنێت و تەنها لە رێگەی پارەدانی ئەلیکترۆنی یاخود POSـەوە دەبێت.

بەڕێوەبەرایەتییەکە ئاماژەی بەوەشکردووە، ئەم بڕیارە بەڕێوەبەرایەتیی نووسینگەکەیان لە پارێزگای سلێمانی و پارێزگای هەڵەبجە و هەردوو ئیدارەی سەربەخۆی گەرمیان و راپەڕین دەگرێتەوە.

ئەوەشی خستووەتەڕوو، داواکارین لە ھاوڵاتییان بۆ ئەوەی کارەکانیان بۆ راییبکرێت، ببن بەخاوەنی کارتی زانیاری و پێویستە ھەڵگری یەکێک لەکارتەکانی ڤیزا کارد یاخود ماستەر کاردیان پێبێت.

بەڕێوەبەرایەتییەکە دەشڵێت، “بەبێ کاردی پارەدانی ئەلیکترۆنی دوای ئەو وادەیە سەردانمان مەکەن”.