عەمار حەكیم بە بۆنەی سەركەوتنی پڕۆسەی هەڵبژاردن پیرۆزبایی لە سەرۆك بارزانی و گەلی كوردستان دەكات

سەرۆك مەسعود بارزانی، پێشوازیی لە سەرۆكی ڕەوتی حیكمەی نیشتمانیی عێراق كرد و چەند بابەتێكیان تاوتوێ كرد.

ئەمڕۆ سێشەممە 29/10/2024، لە سەلاحەدین، سەرۆك بارزانی پێشوازیی لە عەمار حەكیم، سەرۆكی ڕەوتی حیكمەی نیشتمانیی عێراقی كرد، لە سەرەتای دیدارەكەدا، عەمار حەكیم پیرۆزبایی لە سەرۆك بارزانی و گەلی كوردستان كرد بە بۆنەی سەركەوتنی هەڵبژاردنی خولی شەشەمی پەرلەمانی كوردستان لە 20ی ئۆكتۆبەر و بە دەستكەوتێكی گرنگ وەسفی كرد.

هەر لەو دیدارەدا هەردوولا بیروڕایان لەبارەی بارودۆخی سیاسیی عێراق و پەیوەندییەكانی نێوان هەرێمی كوردستان و عێراقی فیدراڵ، هەروەها دوایین پێشهات و گۆڕانكارییەكانیە سیاسی و ئەمنییەكانی ناوچەكە و پێویستیی پاراستنی سەقامگیریی عێراق ئاڵوگۆڕ كرد.