بۆ جەژن زیاتر لە 25 هەزار گەشتیار سەردانی سلێمانیان كردووە

گەشتوگوزاریی سلێمانی رایدەگەیەنێت، بۆ بەسەربردنی پشووەكانی جەژن زیاتر لە 25 هەزار گەشتیار سەردانی سنووری پارێزگای سلێمانییان كردووە.

شاناز عامر بەدران بەڕێوەبەری گشتیی گەشتوگوزاری سلێمانی سەردانی بازگەكانی تاسلووجە و عەربەتی لە سلێمانی كردووە بۆ ئەوەی لە نزیکەوە لە چۆنیەتی پێشوازی هاتنی گەشتیاران ئاگادار بێتەوە.

لە سەردانەکەی بەڕێوەبەری گشتی گەشتوگوزاریی سلێمانی دەرکەوتووە كە لە ماوەی 2 ڕۆژی بەر لە هاتنی جەژنی ڕەمەزان، نزیکەی 25 هەزار گەشتیار بە مەبەستی بەسەربردنی پشوەکانی جەژن سەردانی سلێمانی و دەوروبەریان کردووە .

بەڕێوەبەری گشتی گەشتوگوزاریی سلێمانی دەستخۆشی لە هێزە ئەمنییەکان و بازگەکان و لیژنەکانی گەشتوگوزار کرد کە سەرەڕایی زۆری هاتنی گەشتیاران، بە شێوەیەکی شایستە پێشوازیان لە میوان و گەشتیارانی هاتووی شاری سلێمانی کردووە .