بانکی ناوەندیی عێراق هۆشداری لەبارەی ساختەکاریی چەند كۆمپانیایەكی ئاڵوگۆڕی دراو دەدات
بانكی ناوەندیی عێراق ئاشكرای دەكات، چەند كۆمپانیایەكی ساختەی ئاڵوگۆڕی دراو، بە ناوی كڕینی ئۆتۆمبێل، فیڵ لە خەڵك دەكەن.
بانكی ناوه‌ندیی عێراق بڵاوی کردەوە،: “هۆشداری دەدەینە هاووڵاتییان، لە بوونی حاڵەتی ساختەکاری و ده‌ستبڕینی دارایی، کە لەلایەن ژمارەیەک کۆمپانیای ئاڵوگۆڕی دراوەوە دەكرێت.”
لەبارەی ساختەكارییەكەوە، هاتووە: “ئه‌و کۆمپانیایانه مۆڵەتی بانکی ناوه‌ندیی عێراقیان نییه و ئه‌و ساخته‌کارییه‌ی دەكەن و بانگەشەی ڕێکخستنی مامەڵە بۆ هاووڵاتییان دەکەن، بە مەبەستی کڕینی ئۆتۆمبێل بۆیان.”
داوای لە هاووڵاتییان كردووە، وردبینی لەو كۆمپانیایانە بكەن، پێش ئەوەی مامەڵەیان لەگەڵدا بكەن، هاتووە: “داوا لە هاووڵاتییان دەكەین، لە ڕێگەی ماڵپەڕی فەرمیی بانکی ناوەندیی عێراق وردبینی و دڵنیابوون لە کاری ئەو کۆمپانیایانە بکەن، هەروەها بۆ دڵنیابوون لە دامەزراوە داراییەکان، کە لەلایەن بانکی ناوه‌ندی پەسەند کراون و مۆڵەتیان پێدراوە، لە رێگەی (دابینکردنی خزمەتگوزاریی کۆکردنەوەی باجی ئەلیکترۆنی بۆ کەرتی حکوومی) بەدواداچوون بكەن.”
بانكی ناوەندی وێرای هۆشدارییەكە داواشی كردووە : “ئەگەر ئەم جۆرە حاڵەتانەتان دیت، تکایە لایەنە ئەمنییە پەیوەندیدارەکان ئاگادار بکەنەوە.”