مەلای خەتێ بە‌ڤێرشنی نوێ
مەشخەڵ كەوڵۆسی
كە باسی ئیسامییەكان دەكەم، باسی گوتارێك، سیاسەتێك دەكەم كە هەموومان پێناسە و ڕەهەند و كارەكتەر و مەوداكانی دەبینین و، هیچ پێویست ناكات كەسێك قووت ببێتەوە و بڵێت: تۆ مەبەستت ئیسامە!.
تەنانەت مەبەستیشم لەهەموو ئیسامییەكان نیە، بۆیە پێویست ناكات كەسێكی تر هەڵبتۆقێت و بڵێت: بۆچی ئاوا لەسەر هاوڕێكانت دەنوسیت؟.
لەماوەی چەند ساڵی ڕابردوودا، هەمیشە گلەیی ئیسامییەكان لەمیدیا كوردییەكان و لەنوسەران و كۆی مێژووی كورد ئەوەبووە، كە ئۆباڵی نەهامەتییەكانی كورد ئەخەنە ئەستۆی ئیسام یان ئەستۆی كەسایەتییە ئیسامیییەكان. بۆنمونە: نابێ ئێمە بڵێین ئەنفال دەرهاویشتەی ئەقڵی ئیسامەوی عەرەبە، بەگوتەی ئەوان چونكە سەدام و پێڕەكەی هیچ پابەندییەكیان بەئاینی ئیسامەوە نەبووە! هەروەها نابێت باسی ئەو ڕۆڵەخراپە بكەین كە مەلای خەتێ گێڕاویەتی، چونكە مەسەلەكە لەبنەڕەتەوە بەدۆر درایە قەڵەم و، فریای جۆرێك لە شاردنەوەی ڕاستییەكان كەوتن.
بەندە لێردەدا مل دەدەم بۆ ئەو پاساوانە و دەڵێم: هیچ قسەیەك لەسەر ڕابردوو ناكەین، نەك ناچینە ناو مێژووەوە، بەڵكو ناچینە ناو مانگێك لەمەوبەر و هەر هەفتەیەك لەمەوبەر بەنمونە دێنینەوە.
لەئاهەنگی كۆچی پێغەمبەری مەزندا “دروودی خوای لەسەربێت”
بانگخوازێكی كۆمەڵێك ئیسامی، ڕوودەكاتە خەڵكێكی سادەی دڵپاكی دیندار كەپێیان وایە بەتەنها گومانكردن لە پرسیارەكە كوفرە و پێی كافر دەبن، ڕوویان تێدەکات و بە شێوازێكی دیماگۆژی دەڵێت: كوردستان پیرۆزە یان مەككە؟ چەند كەس دەڵێت كوردستان پیرۆزە دەستی بەرز بكاتەوە! بێگومان خەڵكە دڵساف و نەخوێندەوارەكەش ناوێرن لەترسی تۆمەتی كافربوون، هەروەها لەناخیشەوە چونكە شارەزانین، دەترسن كافر ببن، بۆیە دەست بەرز ناكەنەوە، دواتر دەپرسێت: ئەی چەند كەس پێیان وایە مەككە پیرۆزترە لەكورستان؟ خۆی دەستبەرز دەكاتەوە، ئینجا دەڵێ: كێی تر پێی وایە مەككە پیرۆزترە با دەستی بەرز بكاتەوە! ئینجا ئەو خەڵكەش كە پێیان وایە بەو دەستبەرزكردنەوەیە بلیتی چوونە بەهەشتیان پێ دەدرێت، یەكسەر دەست بەرز دەكەنەوە. دكتۆری بانگخوازیش دەلێت: ئافەرین ئەو دەستانەتان دەستی بەهەشت بن!.
ئەم ڕووداوە هەروا ئاسان نیە بۆ قسە لەسەركردن، بەڵكو خاوەنی دەیان گۆشە و ئەنگڵ و باكگراوندە. لە دەیان گۆشەوە دەكرێت قسەی لەسەر بكرێت. لەسەروی هەموویانەوە گۆشەی عەوامفریودان و، مەسەلەی ئامادەیی گوتاری دینی بۆ دژایەتیكردنی هەموو هەست و نەستێكی كوردانە.
یاریكردن بە وشیاری لاوازی نوێژخوێنانی مزگەوت، سود وەگرتن بەموقەدەسی دینی و تێكەڵاوكردنی بە دیماگۆژیەتی سیاسی، لە پێناوی گەیاندنی پەیامێكی سیاسیدا، بەسودی كێیەو بەزیانی كێ؟.
جارێ پێویستە ئەو بانگخوازانەی كە ئیسام دووچاری پێكدادان دەكەن لەگەڵ هەستی جەماعی خەڵك و ڕاستییەكانی ژیاندا، لەوە تێبگەن كە پێویستە خۆیان نوێ بكەنەوە، چونكە باوی ئەو گوتارە كاسیكییانە نەماوە، ئەو گوتارە لە سەرەتای هەشتاكانی سەدەی پێشوو تاكو كۆتایی نەوەكان باوبوو، ئیستا شورەییە بەو زمان و سادەگەراییە قسە لەپرسێكی قووڵی وەكو موقەدەسی دینی و موقەدەسی نیشتمان بكرێت.
هەروەها دەبێ تەنها ئەم پرسیارە لەخۆیان بكەن: سودی چیە هاووڵاتی كوردستان دووچاری ئەو ملمانێ دەروونییە بكەین و، ناچاریان بكەین لەنێوان دین و نیشتماندا یەكێكیان هەڵبژێرن؟. موسوڵمانانی كوردستان چ سودێك دەبینن لەوەی دەستبەرداری نیشتمانەكەیان ببن؟ ئەم پێكدادانە دەروونی و سیاسی و فەرهەنگییە بۆچی بۆ خەڵكی خۆت دروست دەكەیت ئەی بانگخوازی بەدبەخت؟.
دوا پرسیارم ئەمەیە: ڕاستە لەكوردستاندا هیچ لێپرسینەوەیەك نیە و
دوای ئەو وتاردانە كەس بە بابای بانگخوازی نەگوتوە پشتیی چاوت برۆیە، بەڵام ڕۆڵی خراپی ئەم ئیسامییانە لەناومێژووی كورددا چۆن بنوسینەوە؟ مەگەر ئەمانە چ بەهانەیەكیان هەیە كەبە مێژووی ئەم میڵەتە و هەستی ئەم میڵەتەی دەگرن؟. ئەگەر سەدام حسێن و مەلای خەتێتان هەر یەك بەپاساوێك دوورخستەوە لەكایەكە، ئەی خۆ ئێوە خاوەندارێتی شەرعی لە فەرهەنگی ئیسامی دەكەن، دژایەتی ئێوە بۆ كورد و كوردستان، بەچی پێناسە بكەین و خەتای كێ بگرین؟.