چۆن منداڵەكانمان لە خنكان بپارێزین ؟
ئێستا وەرزی هاوینە و منداڵان بە هۆی گەرماوە زیاتر حەز بەمەلەكردن دەكەن، جا مەلەكردنەكە لە حەوزێكی بچوكی ماڵەوە بێت یان لە مەلەوانگەیەكی گەورە یان لە چۆم و ڕوبارەكاندا
خەندێك ڕێنمای هەیە كە تۆ وەك دایكێك ئەگەر ماڵەكەت مەلەوانگەی تێدایە یان مەلەوانگەی سەفەری بۆ منداڵەكەت دادەنێت لە وەرزی هاویندا ئەوا
ئەم هەنگاوە سەرەکیانەی خۆپاراستن پەیڕەو بکە:
- بە شێوەیەکی دروست سیاجی لەمەوانگەكە بكە بۆ ئەوەی بە بێ ئاگای خۆت منداڵەكە نەتوانێت مەلەوانی بكات.
- هەواڵ بدە منداڵەكەت فێری مەوانی بكە و ئەو كاتانەی مەلە دەكات یان لەگەڵی بمێنەوە یان لە نزیكەوە چاودێری بكە .
- هێلەكی ڕزگارکەر لەبەری منداڵەكەت بكە ، چونکە ئەم هەنگاوانە هەموویان دەتوانن مەترسی خنکان کەم بکەنەوە.
پاراستنی سەلامەتی منداڵان لەناو ئاو و دەوروبەری ئاو وادەكات چێژ لە چالاکییەکانی هاوین و گەشتە ئاویەكان وەرگریت
خنکان هۆکاری سەرەکی مردنە بۆ منداڵانی تەمەن 1 بۆ 4 ساڵ،
هەروەها دووەم هۆکاری سەرەکی مردنە بە برینداری بۆ منداڵانی تەمەن 5 بۆ 14 ساڵ.
خافڵبوون لە منداڵەكەت بۆ چەند چركەیەك ژیانی دەخاتە مەترسیەوە چونكە خنكان
لە چەند چرکەیەکدا ڕوودەدات و زۆرجار منداڵەكە بێدەنگ دەبێت و توانای هاواركردن و پەلەقاژەی نابێت بۆیە لە كاتی مەلەكردنی مندالەكەتدا نەكەی خۆت بە مۆبایل یان شتی لاوەكیەوە سەرقاڵ بكەی
ڕەچاوكردنی ئەم خاڵانەش بۆ سەلامەتی منداڵەكەت گرنگە
- بیر لە ناونوسکردنی منداڵەكەت بکەرەوە لە وانەكانی فێربوونی مەلەكردن .
- 2- ئەگەر خۆت مەلەنازانیت بیر لە وانەکانی مەلەکردن بکەرەوە بۆ خۆت فێری مەلەكردن بكە، چونكە هەرگیز درەنگ نییە بۆ فێربوونی مەلەکردن و سوودەکانی زیاد دەبن لەگەڵ تەمەنمان.
لەبیرت بێت کە ئەو منداڵانەی کە وانەی مەلەکردنیان هەبووە هێشتا پێویستیان بە چاودێرییەکی ورد و بەردەوام هەیە کاتێک لەناو ئاودان یان لە دەوروبەری ئاودان،
لە کاتی سەرپەرشتیکردنی منداڵاندا پێویستە خۆت لە چالاکییە سەرقاڵکەرەکانی وەک خوێندنەوە و بەکارهێنانی تەلەفۆن و خواردنەوەی کحول یان ماددە هۆشبەرەکان بەدوور بگرێت چونکە خنکان بە خێرایی و بە هێمنی ڕوودەدات.
تەنانەت خنکانێکی ناکوژیش دەتوانێت ببێتە هۆی کێشەی تەندروستی درێژخایەن و مانەوەی لە نەخۆشخانە و تێچووی زۆر. برینەکانی خنکان دەبێتە هۆی تێکچوونی مێشک
لەوانەش کەمئەندامی درێژخایەن. بۆ هەر منداڵێکی خوار تەمەنی ١٨ ساڵ کە بەهۆی خنکانەوە دەمرێت، ٧ منداڵی دیکە پێویستی بە چاودێری بەشی فریاکەوتنبووە ئەگەر لە مردنیش ڕزگاری بوبێت
نزیکەی 40%ئەوانەی كە بەهۆی مەلەكردنەوە توشی حاڵەتی لەناكاو دەبن لە بەشی فریاکەوتن چارەسەر دەکرێن پێویستیان بە مانەوە لە نەخۆشخانە یان گواستنەوە هەیە بۆ چاودێری چڕ ، ئەمەش 4 هێندە زیاترە لە ژمارەی ئەو بریندارانەی تر كە بەهۆی ڕوداوەكانی دیكەوە دەبێت و كەتر پێویستیان بە چاودری چڕ هەیە .
هەموو ئەو یارییانەی کە ڕەنگە منداڵێک ڕابکێشن بۆ ناو ئاوەكە پێویستە لە حەوزەکە دەربهێنرێن کاتێک کەس بەکاری ناهێنێت.
چوپ یان باڵۆنی هەوا ڕێگری لە خنکانی منداڵان ناکەن و بە ئاسانی دەتوانن بخلیسکن، بە تایبەت کاتێک منداڵان باز دەدەنە ناو ئاوەوە. باڵۆنە ئاوییەکان لەوانەیە دایك و باوكە كە پێیان وابێت منداڵەكانیان سەلامەتن بەڵام ئەوە هەڵەیەكی گەورەیە .
چاكەتێكی ڕزگارکەر بەكاربهێنن زیاتر سەلامەتن لە بەكار هێنانی باڵۆنی هەوا .
نزیکەی 40%ی مردن بەهۆی خنکان لە منداڵانی تەمەن 5-14 ساڵ لە ئاوی سروشتیدا ڕوودەدات.
زیاتر لە نیوەی خنکان لە نێوان کەسانی تەمەن ١٥ ساڵ و سەرووتر لە ئاوە سروشتی یان کراوەکانی وەک دەریاچە، ڕووبار، یان زەریاکان ڕوودەدات.
چاكەتی ڕزگار كە كاریگەری زۆری هەیە لە پاراستنت زیاتر لە ٨٠%ی ئەو کەسانەی لە ساڵی ٢٠٢١ خنکاون، چاکەتی ڕزگارکەریان لەبەر نەبووە
بۆ زانیاری زیاتر سەردانی وێبپەڕی خۆپاراستن لە خنکانمان بکەن.