زانیاریی لەبارەی هێرشە درۆنییەکەی سەر گوندی گەڵاڵەی قەزای ماوەت

ئێوارەی ئەمڕۆ ٤/٦/٢٠٢٣ بە درۆن هێرشکرایەسەر دۆڵی قەلەڕەش لە سنووری گوندی گەڵاڵە لە سنووری قەزای ماوەت کەسێک کوژراوە و کەسێکی دیکە بریندارە.

نزیک کاتژمێر 04:45 خولەکی ئێوارەی ئەمڕۆ یەکشەممە 04ـی 06ـی 2023 درۆنێک بۆردوومانی دۆڵی قەلەڕەش لە سنووری گوندی گەڵاڵەی سەر بە قەزای ماوەت لە پارێزگای سلێمانی کردووە، بەپێی زانیارییەکان لە بۆردوومانەکەدا دوو چەکداری پەکەکە کراونەتە ئامانج.

هەر بەپێی زانیارییەکان، لە ئەنجامی بۆردوومانەکەدا چەکدارێک کوژراوە و چەکدارێکی دیکەیان بەسەختی برینداربووە.