نێچیرڤان بارزانی و مالیكی هه‌نگاوه‌كانى جێبه‌جێكردنى كارنامه‌ى حكوومه‌تى فیدراڵیى عێراقیان تاوتوێ كرد
ئه‌مڕۆ شه‌ممه 2023/4/8 نێچیرڤان بارزانى، سه‌رۆكى هه‌رێمى كوردستان له به‌غدا له‌گه‌ڵ نوورى ئه‌لمالكى، سه‌رۆكى هاوپه‌یمانیى ده‌وڵه‌تى یاسا كۆبووه‌وه.
له كۆبوونه‌وه‌كه‌دا دوایین پێشهاته‌كانى دۆخى سیاسیى عێراق و ئاڵنگارییه‌كانى قۆناغه‌كه و هه‌نگاوه‌كانى جێبه‌جێكردنى كارنامه‌ى حكوومه‌تى فیدراڵیى عێراقیان تاوتوێ كرد.
هه‌ردوولا جه‌ختیان له گرنگیى ته‌بایى و هاریكاریى هاوبه‌ش له‌نێوان هێز و لایه‌نه سیاسییه‌كانى عێراقدا كرده‌وه بۆ تێپه‌ڕاندنى سه‌ختییه‌كان و دۆزینه‌وه‌ى چاره‌سه‌ر بۆ كێشه‌كانى وڵات به گیانێكى به‌رپرسیارانه‌ى نیشتمانى.
په‌یوه‌ندییه‌كانى هه‌ولێر ـ به‌غدا و تاوتوێكردنى دۆخى دوایین پێشهاته‌كانى ناوچه‌كه به‌گشتى، لایه‌نێكى دیكه‌ى كۆبوونه‌وه‌كه بوو.