په‌یامێك له مه‌سرور بارزانییه‌وه
مه‌سرور بارزانی سه‌رۆكی حكوومه‌تی هه‌رێمی كوردستان لەبارەی رووداوێکی ھاتووچۆ کە لە زینی وەرتێ سەربە قەزای رەواندز روویدا و بەھۆیەوە پێنج کەس گیانیان لەدەست دا، پەیامێکی بڵاوکردەوە و رایگەیاندووە: بە داخەوە دوێنێ شەو لە ئەنجامی ڕووداوێکی دڵتەزێنی هاتووچۆ، پێنج کەس لە ئەندامانی یەک خێزان گیانیان لەدەستدا، لە ماوەی تەنیا پێنج ڕۆژیشدا، شازدە کەس لە هەرێمی کوردستان، بەهۆی ڕووداوەکانی هاتووچۆیەوە، بوونەتە قوربانی .
سه‌رۆكی حكوومه‌تی هه‌رێمی كوردستان ده‌شڵێت: پرسە و سەرەخۆشی و هاوخەمی خۆم، ئاراستەی کەس و کار و بنەماڵەی قوربانییەکان دەکەم و هاوبەشی خەمیانم و هیوای چاکبوونەوەی خێراش، بۆ بریندارەکان دەخوازم.
هه‌روه‌ها له به‌شێكی دیكه‌ی په‌یامه‌كه‌ی سه‌رۆكی حكوومه‌تی هه‌رێمی كوردستاندا هاتووه:
جێی نیگەرانی و داخێکی زۆرە ، ساڵانە ژمارەیەکی زۆری خەڵک لە هەرێمی کوردستان، لە ئەنجامی ڕووداوەکانی هاتووچۆیەوە، گیان لە دەست دەدەن. بۆیە داوا لە هاونیشتمانییان و شوفێران دەکەم، کە پابەندبن بە ڕێنماییەکانی هاتووچۆ و خۆیان و کەسوکاریان بپارێزن و دووربن لە تیژڕۆیی.
له‌كۆتاییدا مه‌سرور بارزانی سه‌رۆكی حكوومه‌تی هه‌رێمی كوردستان رایگه‌یاندووه” لە هەمانکاتدا، دەبێ وەزارەتی ناوخۆش پێداچوونەوە بە سیستەمی هاتووچۆ بەگشتی و رێنمایی و یاساکانی هاتووچو و ڕێگا و بانەکان بکات و ڕێکارەکانی پێدانی مۆڵەتی شوفیری توندتر بکەن . پێویستە هەموو ڕێکار و ئامادەکارییەک بکرێت بۆ سنووردانان بۆ ڕووداوەکانی هاتووچۆ و دڵنیابوون لە پابەندبوونی هەمووان بە مەرجەکانی سەلامەتی و یاساکانی هاتووچۆ”.