سەرۆكی هەرێم بەرەو ئيمارات بەڕێکەوت
نێچیرڤان بارزانی، سەرۆکی هەرێمی کوردستان بەرەو ئيمارات بەڕێکەوت و لەگەڵ سەرۆکی ئەو وڵاتە کۆدەبێتەوە و چەند پرسێک تاوتوێ دەکەن.
ماڵپەڕی سەرۆکایەتی هەرێمی کوردستان بڵاویکردەوە، پاشنيوه‌ڕۆى ئه‌مڕۆ پێنجشه‌ممه 2023/3/9 نێچيرڤان بارزانى، سه‌رۆكى هه‌رێمى كوردستان به بانگهێشتى فه‌رميى شێخ محه‌ممه‌د بن زايد ئال نه‌هيان، سه‌رۆكى ئيمارات، به‌ره‌و ئه‌بوزه‌بى به‌ڕێكه‌وت.
سه‌رۆكایه‌تی هه‌رێمی كوردستان ئاماژه‌ی به‌وه‌شكردووه، سه‌رۆکی هه‌رێمی کوردستان له‌گه‌ڵ سه‌رۆکی ئیمارات، په‌یوه‌ندییه‌کانی عێراق و هه‌رێمى كوردستان له‌گه‌ڵ ئیمارات، بواره‌كانى هاريكاريى هاوبه‌ش، دۆخى عێراق، دوايين پێشهاته‌كانى ناوچه‌كه و چه‌ند پرسێكى جێى بايه‌خى هه‌ردوولا، تاوتوێ ده‌كات.