36ملیار دینار گەندەڵی لە دوو كۆمپانیای نەوتی عێراق ئاشکرا دەبن

دەستەی دەستپاکیی عێراق ئاشکرای کرد، زیاتر لە 36 ملیار دینار گەندەڵی لە دوو كۆمپانیای نەوتدا ئاشكرا بوو.

دەستەی دەستپاکیی عێراق، ڕایگەیاند: “دوو ئۆپەراسیۆن بۆ كۆنترۆڵكردنی بەهەدەردانی ماڵی گشتی و سەرپێچیی دارایی لە دوو كۆمپانیای نەوت لە پارێزگای میسان کرا و دەرکەوت بەهەدەردان و سەرپێچییەكان زیاتر لە 36 ملیار دینارە.”

دەستەكە ئاماژەی بەوەش داوە: ”تیمێك لە ستافی فەرمانگەی لێكۆڵینەوەی میسان پێكهات، بۆ شوێنی كاری كۆمپانیای گەڕانی نەوت- دەستەی كاری كێڵگە لە پارێزگاكەدا- و دەستی گرت بەسەر ئەولەویاتی سێ هەزار و 500 تۆماركەری گەڕانی بەكارنەهێنراو، سەرەڕای ئەوەی چەند ساڵێك لەمەوبەر هاوردەی كردوون و پاشان لە بینا و لەناو دەفرەكانی ناو عەمبارەكە هەڵگیراون، چونكە پێویست نەبوونە و زیانیان بەر كەوتووە.“

ئاشكراشی كرد: ”كۆی ئەو ئامێرانەی كە هەشت ساڵ لەمەوبەر هێنراون، بە بڕی 17ملیۆن و 500 هەزار دۆلار بووە.“

دەستەی دەستپاکی ئاشکراشی کردووە: ”تیمەكە توانیویەتی لە ئۆپەراسیۆنی دووەمدا داوای لێكۆڵینەوە و وردبینی، چاودێریی سەرپێچیی دارایی لە ژمێریاری كۆمپانیای نەوتی میسان بكات، كە كۆی گشتی بڕی 10 ملیار و 982 ملیۆن دینار بووه و دەستیش بەسەر 20 بەڵگەنامەدا گیراوە.”