سەرۆک وەزیران و کونسوڵی گشتیی فەڵەستین جەخت لە پەرەپێدانی پەیوەندییەکان دەکەنەوە

ئه‌مڕۆ دووشەممە، 13-01-2025، مەسرور بارزانى، سه‌رۆكى حکوومەتی هه‌رێمى كوردستان، پێشوازیى له‌ باڵیۆز نەزمی حزوری، کونسوڵی گشتیی فەڵەستین لە هەرێمی کوردستان كرد بەبۆنەی کۆتاییهاتنی ئەرکەکەی.

حکوومەتی هەرێمی کوردستان لە ڕاگەیەندراوێکدا ئاماژەی بەوە کردووە “سەرۆک وەزیران مەسرور بارزانی سوپاسی کونسوڵی گشتیی فەڵەستینی کرد بۆ ئەو ماوەیەی کاری بۆ بەهێزکردنی پەیوەندیی دوولایەنە کردووە و هیوای سەرکەوتنیشی لە ئەرکی داهاتوویدا بۆ خواست.”

وەکوو ئەوەی لە ڕاگەیەندراوەکەدا هاتووە: “کونسوڵی گشتیی فەڵەستینی، پێزانینی خۆی بۆ هاریکاریی و هاوئاهەنگیی باشی حکوومەتی هەرێمی کوردستان دەربڕی و جەختی لە گرنگیی پەرەپێدانی پەیوەندییەکان لەگەڵ هەرێمی کوردستان کردەوە.”