سەرۆك بارزانی پێشوازی لە محەمەد شیاع سوودانی دەكات

سەرۆك مەسعود بارزانی، پێشوازی لە سەرۆك وەزیرانی عێراق كرد و تاوتوێی بارودۆخی سیاسیی عێراق و دوایین گۆڕانكاری و پێشهاتەكانی ناوچەكەیان كرد.

ئەمڕۆ چوارشەممە 13/11/2024، لە سەلاحەدین، سەرۆك بارزانی پێشوازیی لە محەمەد شیاع سوودانی، سەرۆك وەزیرانی عێراق كرد، لە دیدارەكەدا تاوتوێی بارودۆخی سیاسیی عێراق و دوایین گۆڕانكاری و پێشهاتەكانی ناوچەكە كرا، هەروەها جەختیش لەوە كرایەوە كە لە پەیوەندی و هەماهەنگییەكانی نێوان حكوومەتی هەرێمی كوردستان و حكوومەتی عێراقی فیدراڵدا هەنگاوی ئیجابی و باش نراون.

هەر لەو دیدارەدا، محەمەد شیاع سوودانی، پیرۆزبایی سەركەوتنی هەڵبژاردنی پەرلەمانی كوردستانی لە سەرۆك بارزانی كرد و هیوای ئەوەی خواست كە بە زووترین كات لایەنەكان بگەنە ڕێككەوتن بۆ پێكهێنانی كابینەی نوێی حكوومەتی هەرێمی كوردستان.