سەرۆكی هاوپەیمانێتیی عەزم پیرۆزبایی سەركەوتنی پڕۆسەی هەڵبژاردنی پەرلەمانی كوردستانی لە سەرۆك بارزانی كرد

سەرۆك مەسعود بارزانی، پێشوازیی لە سەرۆكی هاوپەیمانێتیی عەزم كرد و باسیان لە بەڕێوەچوونی هەڵبژاردنی خولی شەشەمی پەرلەمانی كوردستان كرد.

ئەمڕۆ سێشەممە 29/10/2024، لە سەلاحەدین، سەرۆك بارزانی پێشوازیی لە موسەننا ئەلسامەرائی، سەرۆكی هاوپەیمانێتیی عەزم كرد، لە دیدارەكەدا بارودۆخی سیاسیی عێراق و دوایین پێشهاتەكان و پەیوەندییەكانی نێوان حكوومەتی هەرێمی كوردستان و حكوومەتی عێراقی فیدراڵ تاوتوێ كرا.

هەر لەو دیدارەدا ڕۆشنایی خرایە سەر بەڕێوەچوونی هەڵبژاردنی خولی شەشەمی پەرلەمانی كوردستان و سەرۆكی هاوپەیمانێتیی عەزم پیرۆزبایی سەركەوتنی پڕۆسەی هەڵبژاردنی پەرلەمانی كوردستانی لە سەرۆك بارزانی كرد.