كۆمیسیۆن وادەی سەردانیكردن بۆ بنكەكانی وردبینی ڕادەگەیەنێت

كۆمیسیۆنی باڵای سەربەخۆی هەڵبژاردنەكان رایگەیاند، ئەمرۆ سەردانی ئەو ناوەندانە دەكات كە تائێستا دەنگەكانی بۆ پەرلەمانی كوردستان هەژمارنەكراون.
كۆمیسیۆنی باڵای سەربەخۆی هەڵبژاردنەكانی عیراق رایگەیاندوە، ئەمرۆ سێشەممە وردبینی لە دەنگی ئەو وێستگانە دەكرێت، كە ئەنجامەكانیان بۆ خولی شەشەمی پەرلەمانی كوردستان رانەگەیەندراون، بەپێی خشتەی كۆمیسیۆن ئەمڕۆ لە پارێزگای دهۆك و رۆژی چوارشەممە 23ی تشرینی یەكەم لە پارێزگای سلێمانی و رۆژی پێجشەممە 24ی تشرینی یەكەم لە پارێزگای هەولێر، وردبینی لە دەنگی ئەو وێستگانە دەكەن، كە دەنگەكانیان هەژمار نەكراون.
ئاماژەی بۆ ئەوەشكردوە، هەموو سەردانەكان لە سەعات نۆی سەرلەبەیانی دەبێت، نوێنەری هاوپەیمانی و حزب و پاڵێوراوان و چاودێرانی هەڵبژاردنەكان و راگەیاندنەكان دەتوانن سەردانی ناوەندەكانی وردبینی بكەن.