بە ئامادەبوونی نێچیرڤان بارزانی رێوڕەسمی دەرچوونی 792 پێشمەرگە لە زاخۆ بەڕێوەدەچێت

792 پێشمەرگە دوای 9 مانگ راهێنان بە پلەی ئەفسەر دەردەچن. نێچیرڤان بارزانی، سەرۆکی هەرێمی کوردستان لە رێوڕەسمی دەرچوونیان ئامادەیە.

رێوڕەسمی دەرچوونی پێشمەرگەکانی کۆلێژی سەربازیی دووەمی زاخۆ، ئەمڕۆ (پێنجشەممە، 17-10-2024) بە ئامادەبوونی کەسوکاریان و فەرماندەکانی پێشمەرگە لە زاخۆ سازدەکرێت.

ئەمە 29ـەیەمین خولی دەرچوونە لە کۆلێژی سەربازیی دووەمی زاخۆ بەڕێوەبچێت.

لەو 792 پێشمەرگەیەی ئەمڕۆ دەردەچن، 50ـیان کچن کە پێش ئەوەی کۆلێژی سەربازی تەواو بکەن، خوێندنی ئامادەیی یان زانکۆیان تەواو کردووە.