لە سلێمانی باندێکی بازرگانیکردن بە ماددەی هۆشبەر ڕووبەڕووی ئاسایش دەبنەوە
ئەمڕۆ دووشەممە باندێکی ماددەی هۆشبەر لە گەڕەکی سەرچناری شاری سلێمانی ڕووبەڕووی ئاسایش دەبنەوە پاش ڕوبەڕوبونەوە هێزەكانی ئاسایش توانیان دوو بازرگانی مادەی هۆشبەر دەستگیربكەن .
لە ڕووبەڕوو بونەوەكەدا دوو کەس برینداربوون کە یەکێکیان کارمەندی ئاسایشە.
بەڕێوەبەرایەتیی ئاسایشی سلێمانی بڵاویکردەوە، توانیان دوو بازرگانی ماددەی هۆشبەر بە برینداری دەستگیربکەن و دەستبگرن بەسەر بڕی زیاتر لە 14 کیلۆگرام ماددەی هۆشبەر لە جۆری کریستاڵ.
ئاشکراشیکرد، لە ئێستادا تۆمەتباران بە ماددەی 25 لە یاسای بەرەنگاربوونەوەی ماددە هۆشبەرەکان و کارتێکارە ئەقڵیەکان ڕاگیراون و لێکۆڵینەوە لە دۆسیەکەیان بەردەوامە.