سیستمی پارەدانی قەرزی ئاو لە هەرێم لە كاركەوت

بەڕێوەبەری ئاوی سلێمانی رایگەیاند، سیستمی پارەدانی قەرزی ئاو لە هەرێم بەهۆی کێشەیەکەوە وەستاوە و تا چارەسەرکردنی کێشەکە ناتوانرێت قەرزی ئاو لە هاوڵاتییان وەربگیرێتەوە.

بەختیار تاهیر بەڕێوەبەری ئاوی سلێمانی دەڵێت، لە دوێنێ دووشەممەوە سیستمی ئەلیکترۆنی پێدانی ئاو لە هەموو هەرێم بەهۆی کێشەیەکی تەکنیکییەوە وەستاوە و بەهۆیەوە ناتوانرێت پارەی قەرزی ئاو لە بنکەکان لە هاوڵاتییان وەربگیرێت.

ئاماژەی بەوەشکرد، لە ئێستادا تیمە تەکنیکییەکان لە هەوڵی چارەسەرکردنی کێشەکەدان چاوەڕێدەکەین لە 24 بۆ 36 کاتژمێری داهاتوو چاکبکرێتەوە و دەست بە وەرگرتنی پارەی قەرزی ئاوی هاوڵاتییان بکرێت.

ئاشکراشیکرد، هەر کاتێک چاککردنەوەی سیستمەکە کۆتایی هات هاوڵاتییان ئاگاداردەکەینەوە.